Tuesday, December 20, 2005

திருவெம்பாவை 5
மாலறியா நான்முகனுங் காணா மலையினை
நாம் போலறிவோம் என்றுள்ள பொக்கங்களே பேசும்
பாலூறு தேன்வாய்ப் படிறீ கடைதிறவாய்
ஞாலமே விண்ணே பிறவே அறிவரியான்
கோலமும் நம்மைஆட் கொண்டருளிக் கோதாட்டுஞ்
சீலமும் பாடிச் சிவனே சிவனேயென்(று)
ஓலம் இடினும் உணராய் உணராய்காண்
ஏலக் குழலி பரிசேலோர் எம்பாவாய். 5
தோழியர்: "திருமாலும் நான்முகனும் காணமுடியாதமலையை நாம் அறிவோம்" என்று (உணர்ந்தவர்களைப் போன்று)பொய்யாகவே பேசிக்கொண்டிருக்கும் பாலும் தேனும் போன்ற (இனிய சொற்களைப் பேசும்) வஞ்சகியே, கதவைத் திற ! இவ்வுலகமும், விண்ணுலகமும், பிறவுலகங்களும் அறிவதற்கு அரிய பெருமானுடைய திருக்கோலமும், அவர் நம்மை ஆட்கொண்டு குற்றங்களை நீக்கும் பெருமையையும் பாடி "சிவனே! சிவனே!" என்று நாங்கள் ஓலமிட்ட போதும், சற்றும் உணர்ச்சியில்லாமல் இருக்கிறாயே ! மணம் நிறைந்த கூந்தலை உடையவளே, இதுவோ உனது தன்மை ?!
பொக்கம் - பொய்; படிறீ - ஏமாற்றுக்காரி; ஞாலம் - உலகம்; ஏலக்குழலி - மணம் சேர் கூந்தலை உடையவள்.

Rate this post at www.thamizmanam.com Current rating is: Click on the stars for voting pad.

1 Comments:

At 9:49 AM, Blogger குமரன் (Kumaran) said...

அற்புதம். திருப்பாவையை நாங்கள் இருவர் (இராகவன், குமரன்) எழுதுகிறோம். திருவெம்பாவை எழுத யாரும் இல்லையே என்று எண்ணியிருந்தேன். இதோ வான்கருணை வந்துவிட்டது. தொடர்ந்து எழுதுங்கள். திருப்பள்ளியெழுச்சியும் எழுதுவீர்கள் என்று எண்ணுகிறேன்.

 

Post a Comment

<< Home