Friday, January 06, 2006

திருப்பள்ளியெழுச்சி 3
கூவின பூங்குயில்; கூவின கோழி;
குருகுகள் இயம்பின; இயம்பின சங்கம்;
ஓவின தாரகை ஒளி; ஒளி உதயத்து
ஒருப்படுகின்றது; விருப்பொடு நமக்குத்
தேவ நற்செறிகழல் தாளிணை காட்டாய்!
திருப்பெருந்துறையுறை சிவபெருமானே!
யாவரும் அறிவரியாய்! எமக்கெளியாய்!
எம்பெருமான் பள்ளியெழுந்தருளாயே!

குயில்கள் பாடின. கோழிகள் கூவின. பறவைகள் சலசலத்தன;சங்கு ஒலித்தது. விண்மீன்களின் ஒளி மறைந்தது. காலையின் ஒளி மேலோங்குகிறது. தேவனே, விரும்பி எங்களுக்கு உம்முடைய நல்ல செறிந்த கழலணிந்த இரு திருவடிகளையும் காட்டுங்கள்! திருப்பெருந்துறைவீற்றிருக்கும் சிவபெருமானே! யாராலும் அறிவதற்கு அரியவனே! (அடியவராகிய) எங்களுக்கு எளியவனே! எம்பெருமானே! பள்ளி எழுந்தருள்க!

குருகு - பறவை; ஓவுதல் - மறைதல்; தாரகை - நட்சத்திரம்;ஒருப்படுதல் - முன்னேறுதல்/ மேலோங்குதல்.

Rate this post at www.thamizmanam.com Current rating is: Click on the stars for voting pad.

1 Comments:

At 6:13 PM, Blogger ENNAR said...

அருமையான பதிப்பு தங்களுடையாது நான் நிருத்திக் கொண்டேன் பின்னுட்டமிடுகிறேன் நன்றி


புல்லாகிப் பூடாய்ப் புழுவாய் மரமாகிப்
பல் விருகமாகிப் பறவையாய்ப் பாம்பாகிக்
கல்லாய் மனிதராய்ப் பேயாய்க் கணங்களாய்
வல் அசுரர் ஆகி முனிவராய்த் தேவராய்ச்
செல்லாஅ நின்ற இத் தாவர சங்கமத்துள்

 

Post a Comment

<< Home