Tuesday, January 10, 2006

திருப்பள்ளியெழுச்சி 7
அது பழச்சுவையென அமுதென அறிதற்கு
அரிதென எளிதென அமரும் அறியார்
இது அவன் திருவுரு இவன் அவன் எனவே
எங்களை ஆண்டுகொணடு இங் கெழுந்தருளும்
மதுவளர் பொழில்திரு உத்தர கோச
மங்கையுள்ளாய்திருப் பெருந்துறை மன்னா
எதுஎமைப் பணிகொளு மாறது கேட்போம்
எம்பெருமான்பள்ளி யெழுந்தருளாயே.
"அந்தப் பரம்பொருள் பழத்தின் சுவை போல இனியது, அமுதம் போன்றது, அறிந்து கொள்வதற்கு அரியது, எளியது" என(அதன் தன்மையையும்), "இதுவே அந்தப் பரம்பொருளின் திருவுருவம். இவர் தான் அந்தப் பரம்பொருள்." என்று (அவரையும்) அறிவால் உறுதி பெற தேவர்களுக்கும் இயலவில்லை! (அப்படிப்பட்ட தாங்கள்) எங்களை ஆண்டுகொண்டு இங்கே எழுந்தருளியுள்ளீர்! தேன்மிகுகின்ற சோலைகள் உள்ள திருவுத்தர கோச மங்கையில் வீற்றிருப்பவனே! திருப்பெருந்துறைக்கு அரசே! எது எங்களைப்பணி கொள்ளும் வகை? அதன்படியே நடப்போம்! எம்பெருமானே! பள்ளி எழுந்தருள்க!!

ஆறு - வழி

Rate this post at www.thamizmanam.com Current rating is: Click on the stars for voting pad.

1 Comments:

At 12:37 AM, Blogger தி. ரா. ச.(T.R.C.) said...

சிவனொடுஒக் கும்தெய்வம் தேடினும் இல்லை
அவனொடுஒப் பார் இங்கு யாவரும் இல்லை
புவனம் கடந்தன்று பொன்னொளி மின்னும்
தவனச் சடைமுடித் தாமரை யானே

சிவனருள் அளித்த சிவனடியவருக்கு நன்றி. அன்பன் தி. ரா. ச

 

Post a Comment

<< Home